Teoremat e shqyrtuara për veprimet me funksionet e vazhdueshme na lejojnë të themi që klasa e funksioneve që janë të vazhdueshëm në çdo pikë të bashkësisë së tyre të përcaktimit është shume e gjerë, ajo përmban në veçanti të gjitha funksionet e zakonshme.

Funksionet e mëposhtme, në çdo pikë të bashkësisë së tyre të përcaktimit kanë limit, të barabartë me vlerën e tyre në këtë pikë:

1.Funksioni konstant y = c, ku c – numër real.

2.Funksioni eksponencial

y = a^{x}

, ku 0 < a ≠ 1.

3. Funksioni fuqi 

y = x^{\alpha }

, ku α – numër real.

4. Funksioni logaritmik 

y={log_{a}}^{x}

, ku 0 < a ≠ 1.

5. Funksionet trigonometrike y = sinx, y = cosx, y = tgx.

6. Funksioni y = ΙxΙ.

Pra, secili nga këto funksione është i vazhdueshëm në çdo pikë të bashkësisë së tij të përcaktimit.

Përkufizim. Funksion i zakonshëm quhet çdo funksion numerik që mund të jepet me një formulë të vetme të trajtës y = f(x), të marrë duke kryer një numër të fundëm veprimesh aritmetike (mbledhje, zbritje, shumëzim, pjesëtim) dhe një numër të fundëm veprimesh të marrjes së përbërjes së funksioneve, prej funksioneve të mëposhtme.

Duke pasur parasysh përkufizimin e funksionit të zakonshëm, si dhe faktet që veprimet aritmetike mbi funksionet dhe veprimi i përbërjes së funksioneve e ruajnë vazhdueshmërinë do të kemi:

Çdo funksion i zakonshëm është i vazhdueshëm në çdo pikë të bashkësisë së përcaktimit. Meqenëse në pikat ku nuk është i përcaktuar, funksioni nuk mund të jetë i vazhdueshëm.

Pra, bashkësia ku funksioni i zakonshëm është i vazhdueshëm, është bashkësia e përcaktimit të tij.