Jepet përkufizimi i përkëmbimeve si një rast i veçantë i dispozicioneve. 

Përkufizim. Përkëmbim të bashkësisë A do të quajmë çdo dispozicion të klasës n të n elementëve.

Pra, përkëmbimet janë funksione injektive të bashkësisë {1,2,…..,n} në veten e saj. Por, kur një funksion injektiv bashkësinë fillim dhe fund e ka të njëjtë, atëherë ky funksion është edhe syrjektiv. Është e vërtetë dhe e anasjellta e këtij pohimi, domethënë nëse kemi një funksion syrjekti që ka bashkësinë fillim dhe fund me numër të njëjtë elementesh, atëherë ai është edhe funksion injektiv. Kjo tregon se përkëmbimet e bashkësisë A mund të përkufizohen dhe si funksione syrjektive të bashkësisë {1,2,….,n} në bashkësinë A.

Numrin e përkëmbimeve të një bashkësie me n elemente e shënojmë me simbolin: 

P_{n} = n\cdot (n-1) \cdot ...\cdot 2\cdot 1 = n!

Kështu del edhe lidhja që ekziston midis numrave: 

C_{n}^{k},D_{n}^{k},P_{n}

C_{n}^{k} = \frac{D_{n}^{k}}{P_{k}}, D_{n}^{k} = P_{k}\cdot C_{n}^{k}

e cila tregon se nga çdo kombinacion i klasës k të n elementëve, mund të formohen 

P_{k}

dispozicione të klasës k të n elementeve, duke i radhitur elementet e kombinacionit në të gjithë mënyrat e ndryshme.